Rreth nesh

Të dashur lexues shqiptarë,

Së pari më lejoni të ju falënderoj që jeni duke naviguar në këtë faqe interneti që u është dedikuar. 

Ju jeni duke kontribuar në mënyrë të drejtpërdrejtë në konservimin e gjuhës tonë të dashur shqipe, qofshi edhe vetëm lexues.

Libraria e Lizes u krijua nga një dashuri e pashtershme për leximin por mungesa e një aksesi më të lehtë dhe më të shpejtë në librat e shkruara apo përkthyera në shqip.

Edhe pse, fatmirësisht, nuk mungojnë libraritë mjaftueshëm të zhvilluara në trojet shqipfolëse ; fatkeqësisht nuk është e njëjta qasje në Evropën perëndimore.

Kështu, ne si emigrantë të gjeneratës së parë, deshëm në një mënyrë të modernizuar të lehtësojmë shpërndarjen e librave në perëndim.

Për ne ishte e rëndësishme të ju paraqesim titujt më të kërkuar, procesi i bërjes së porosisë të jetë i thjeshtëzuar dhe dërgesa të arrijë shumë shpejt te ju.

Këto tri elemente janë edhe motoja e kësaj librarie.

Ky koncept, i pari në llojin e tij, do të ishte i pamundur pa mbështetjen dhe besimin e shtëpive botuese në Tiranë dhe Prishtinë të cilat na furnizojnë. 

Gjithashtu, falënderojmë shumë të gjithë ata që falë prezencës së tyre na inspiruan dhe ndihmuan në zhvillimin e këtij projekti. 

Me shumë dashuri, 

Lize, Trim & Suada