Dituria
Muri është botuar në Francë në vitin 1939, një vit pas Neverisë, dhe konsiderohet si vepra letrare më e rëndësishme dhe më përfaqësuese e intelektualit të madh francez.
Muri
€17,99
Jean-Paul SARTRE
Muri është botuar në Francë në vitin 1939, një vit pas Neverisë, dhe konsiderohet si vepra letrare më e rëndësishme dhe më përfaqësuese e intelektualit të madh francez.
Motivi i përbashkët i rrëfimeve të përmbledhura në këtë vëllim është antiteza midis guximit dhe frikës: një prirje e ndryshme, përballë jetës së personazheve të ndryshme, që një monolog i brendshëm plot tension zbulon në një moment të errët të fatit të tyre.
Muri, përpara të cilit të dënuarit do të gjejnë vdekjen, faqet e murit të dhomave, që mbyllin mistere tragjike seksuale dhe kriminale, torturat dhe hipokrizitë sociale, që helmojnë një ndërgjegje e cila sapo ka lindur dhe e përgatisin për një fat fajtor, janë aspektet përbërëse të këtij realiteti të pabesueshëm. “Muri”, “Dhoma”, “Herostrati”, “Intimitet”, “Fëmijëria e një padroni” janë pesë rrëfime, që nxjerrin lakuriq guximin dhe frikën përballë jetës. Vdekje, marrëzi, dobësi, zvetënim dhe gënjeshtra: rreth këtyre temave lidhet ekzistenca e protagonistëve të librit.
Muri i qelisë ku përplasen mendimet e tre të dënuarve me vdekje, muret e dhomës me mistere tragjike seksuale dhe kriminale, gjesti zhurmëmadh i Herostratit kundër botës, kërkimi i kotë i një jete të re të Lulusë dhe në fund ndërgjegjja e trazuar e Lysjen Flërie janë fragmentet e shumta të një realiteti të çuditshëm.
