Lufta nuk ka fytyrë gruaje

Svetllanna ALEKSIEVIC

Lufta "grarishte" ka ngjyrat e veta, aromat e veta, ndriçimin e vet dhe hapësirën e vet të ndjenjave. Fjalët e veta. Në të nuk ka heronj dhe veprime të pabesueshme, por thjesht njerëz, të cilët kryejnë veprime njerëzish jonjerëzore.

Dhe vuajnë jo vetëm njerëzit, por edhe toka, edhe zogjtë, edhe pemët. Të gjithë ata që jetojnë bashkë me ne në tokë. Vuajnë pa folur, çka është edhe më e tmerrshme. Po përse? – e kam pyetur veten më se njëherë.

Përse gratë, duke mbajtur dhe mbrojtur vendin e punës në një botë krejtësisht mashkullore, nuk mbrojtën dot edhe historinë e tyre? Fjalët e tyre, ndjenjat e tyre? Nuk i besuan vetes. Neve na është fshehur një botë e tërë. Lufta e tyre ka mbetur e panjohur...